Anong gusto mong i-request? Don't be shy!

Dear TAP & GRAB, Una po sa lahat, maraming salamat sa opportunity na magkaroon ng katuparan ang aming wish. Ang wish ko po ay para po sa aking Nanay na hindi ko po kasama sa bahay dahil po ako ay may asawa na. Grocery package po ang hinihiling ko para sa kanila ng mga kapatid ko, dahil mas higit na kinakailangan po nila ito. Isa po syang custodian sa isang preschool, at dahil magiging online na ang klase ay nangangahulugan din pong magiging on call nalang po ang trabaho nya. Ang Tatay ko naman po ay isang karpentero, ngunit inabutan din po ng lockdown sa Bulacan at hanggang ngayon ay hindi pa nakakauwi. Kaya po alam kong itong grocery package na ito pag naisakatuparan ay napakalaking tulong po sa kanila. Humiling po ako para sa kanila, dahil hindi ko din po sila mapaabutan ng tulong palagi dahil sa apektado din po kami ng naging ECQ. Sana po ay maisakatuparan po ang hilig ko para sa kanila, alam ko pong magiging masaya ang Nanay ko at ang mga kapatid ko. Maraming maraming salamat po sa inyo. Pagpalain pa po kayo 😇🙏