18 days old si baby at ang biyenan ko eh parang dine-discourage ako magbreastfeed

Hi mga mi. Share ko lang to dito. Di ko kasi mailabas kahit sa husband ko kasi nanay niya eh, baka maipit siya saming dalawa. Balak ko talaga magbreastfeed hanggang kahit 6mos lang ni baby. Di pala madali magbreastfeed. Akala ko since satin naman kukunin yung gatas eh easy lang. Yung puyat ko simula naglabor ako hanggang ngayon, grabe. Matagal din bago namin nakuha ni baby ang tamang latching at yung achievement namin everyday, sobrang nakakataba ng puso. Kaya masakit sakin kapag nakakarinig ako na kaya parang di nabubusog anak ko kasi naka breastfeed siya sakin. Kaya ko namang tumanggap ng mga suggestion like i-mixed ko na lang siya para daw nabubusog. Para daw straight yung tulog niya, at di kami napupuyat. Gusto ng biyenan ko na itulad ko sa asawa ko nung baby pa siya na nakaformula kapag gabi. Di naman okay sakin kasi nga balak ko talaga breastfeed si baby kahit hanggang 6mos lang. Kaso everyday na di ko sinusunod yung suggestion niya, parang lalong nadadagdagan yung mga nakakaoffend na salita. Ako lang naman ang napupuyat, di ko naman sila nadadamay. Kailangan ko pa bang marinig yun lahat? Na para bang ginugutom ko anak ko. One time dumedede si baby, sabi pa ng biyenan ko para naman dawng marami siyang makukuhang gatas sakin. Araw-araw, kapag nakikita niyang dumedede si baby at matagal natatapos, kulang na lang ipamukha niya sakin na tama siya at mali ang parenting style ko. Kaso okay din biyenan ko kasi sa parinig at joke niya dinadaan kaya tatawa tawa na lang din ako kahit masakit 😅 na ang laki ng bibig ni baby tapos ang liit ng dede ko. Mas okay daw pagnaka bottle kasi nga yung nipple eh malaki. Na baka kaya di nabubusog kasi puro hangin na lang yung nahihigop. Alam niyo yun? Nakakasakit sobra hahahaha ang hirap magtimpi kasi parang gusto ko na lang itago sa kanila anak ko. Hindi kasi kami nakabukod ng asawa ko kaya sa lahat ng kilos ko, may comment si biyenan. Isa pang nakakatawa na nakakainis. Bakit daw sa left boob ako nagpapadede eh tubig lang daw naman laman ng left at ang rice eh nasa right. Hello????? Ewan ko san nila yan nakuha, nakakainis. Pati sa kung saang suso ako magpapadede eh may say parin. Ginagawa ko din naman ang research ko. Lumalaki naman ng tama si baby. Yung nga lang kapag dumedede siya, minsan umaabot kami ng sobra isang oras kasi nakakatulog siya, akala ko tapos na, pero magigising bigla para humingi ulit ng dede. Tuloy, sa bawat galaw ko kailangan ko mag google kasi nakakawala din ng confidence magbreastfeed kapag everyday may ganyan kang mga naririnig. Di ko naman ginugutom anak ko at dumudumi naman siya ng tama. Nakakapikon lang talaga at nakaka low morale. Anak ko naman to ah? Tapos naman na silang mag alaga ng sarili nilang baby. Gusto ko lang naman ienjoy ang bawat araw pero araw araw din may nangdidiscourage 😅 anyways, yun lang. Ang plano ko na lang ngayon eh ibaliwala lahat ng sinasabi ng biyenan ko. Masasanay lang din naman siguro ako. Alam kong di nagugutom ang anak ko kasi sobrang vocal niya kapag wala na siyang nasususo. Sarap tuloy bumalik sa pedia ng anak ko para lang may ipamukha kay biyenan na okay si baby kaso wag na nga lang. Di na ako papatol 😅