Mga sakit ng kabataan na maaaring maiwasan ng mga bakuna #TeamBakunanay #AllAboutBakuna

1. Diphtheria (Ang ‘D’ sa DtaP na bakuna) • Kasama sa mga palatandaan at sintomas ang makapal na nakabalot sa likuran ng lalamunan na nagpapahirap sa paghinga. • Ang diphtheria ay maaaring mauwi sa mga problema sa paghinga, pagkaparalisado at pagpalya ng puso. 2. Tetanus (Ang ‘T’ sa DtaP na bakuna; kilala rin bilang Lockjaw) • Kasama sa mga palatandaan at sintomas ang masakit na paghihigpit ng mga kalamnan, kadalasang sa buong katawan. • Ang tetanus ay maaaring mauwi sa paninigas ng panga na maaaring magpahirap sa pagbuka ng bibig o paglunok. 3. Pertussis (Ang ‘P’ sa DtaP na bakuna, kilala rin bilang Whooping Cough) • Kasama sa mga palatandaan at sintomas ang bayolenteng pag-ubo na nagpapahirap sa sanggol na kumain, uminom, o huminga. Tumatagal ang mga atakeng ito nang ilang linggo. • Ang pertussis ay maaaring mauwi sapneumonia, mga seizure, pinsala sa utak, o kamatayan. Ang pertussis ay maaring maging mapanganib sa mga sanggol. 4. Hib (Haemophilus influenzae type b) • Maaaring kasama sa mga palatandaan at sintomas ang lagnat, pananakit ng ulo, stiff neck, pag-ubo, at kakapusan ng paghinga. Maaaring walang anumang palatandaan o sintomas sa mga banayad na kaso. • Ang Hib ay maaaring mauwi sa meningitis (impeksyon sa utak at mga nakabalot sa spinal cord); pneumonia; mga impeksyon sa tenga, sinuses, dugo, kasu-kasuan, buto, at hilatsang nakabalot sa puso; pinsala sa utak; matinding pamamaga ng lalamunan, na nagpapahirap sa paghinga; at pagkabingi. 5. Hepatitis B • Kasama sa mga palatandaan at sintomas ang pagka-pagod, pagtatae (diarrhea) at pagsusuka, jaundice (paninilaw ng balat o mata), at pananakit ng kalamnan, kasu-kasuan at sikmura. Ngunit karaniwang walang anumang palatandaan o sintomas. • Ang Hepatitis B ay maaaring mauwi sa pagkasira ng atay, at kanser sa atay. Ang ibang tao ay nagkakaroon ng chronic (pangmatagalang) na impeksyon ng hepatitis B. Maaaring hindi mukhang may sakit o nakararamdam na may sakit, ngunit maaari silang makahawa ng ibang tao. 6. Polio • Maaaring kasama sa mga palatandaan at sintomas ang mala-trangkasong lagnat, o walang anumang sintomas na lalabas. • Ang polio ay maaaring mauwi sa permanenteng pagka-paralisado (hindi maikilos ang braso o paa, o kung minsan ay hindi makahinga) at kamatayan. 7. Pneumococcal Disease • Kasama sa mga palatandaan at sintomas ang lagnat, pangingilig, pag-ubo, at pananakit ng dibdib. Maaaring kasama sa mga sintomas ang meningitis, seizure at minsan pamamantal sa mga sanggol. • Ang pneumococcal disease ay maaaring mauwi sa meningitis (impeksyon sa brain at mga nakabalot sa spinal cord), mga impeksyon sa tenga, sinus at dugo,pneumonia, pagkabingi, at pinsala sa utak. SOURCE: www.immunize.org #pregnancy #1stimemom #firstbaby #ProudToBeABakuNanay #AllAboutBakuna #TeamBakuNanay #HealtierPhilippines #VaccinesWorkforAll #TAPVIPInfluencer #tapviparent #TAPVIP #vaccine #Bakuna #immunizations