Mainam ang black rice para sa mga nagbubuntis dahil mas marami itong nutrients kumpara sa white rice. Nakakatulong rin ito para makaiwas sa pagkakaroon ng iron deficiency at anemia, at sa development ni baby.

Safe kumain ng black rice matapos manganak. Nakakatulong ito sa pagpapataas ng iron levels ng katawan, at nakakadagdag ng energy para sa mga ina.

Safe rin sa mga nagpapasuso na ina ang black rice. Ito ay dahil mayroon itong mga nutrients na nakakapagpalakas ng mga ina, at nakakadagdag sa kanilang energy habang nagpapasuso ng baby.

Para naman sa mga sanggol, safe rin ang black rice. Ngunit dapat ibigay lang ito kapag 6 months na si baby, at dapat lutuin ng husto dahil baka mahirapan sila i-digest ito. Mayroon itong nutrients na nakakatulong sa pagpapatibay ng buto at pagpapalakas ng katawan ni baby.